Arşîv

Google li pisporên Kurdî digere

2

New York (Rûdaw) – Kompaniya û malpera lêgerînê ya Google, ku beriya niha zimanê Kurdî xistibû nav beşa “Googel Translate” (beşa wergerê), ji wan kesên ku kurdiya wan “pir baş e” daxwaza alîkariyê dike .

Google zimanê Kurdî jî li ser beşa xwe ya “Google Translate”ê zêde kir lê heta niha nehatiye aktîvkirin.

Ji ber vê yekê Google ji wan kesên ku kurdiya wan “pir baş e” alîkariyê dixwaze. Ji bilî Kurdî, 23 zimanên din jî hene ku di beşa wergerê ya Google de ne, lê nehatine aktîvkirin.

Di daxuyaniya Google de hatiye gotin, yên dixwazin alîkariyê bidin Google divê forma taybet tijî bikin û ji bilî zimanê xwe zimanê înglîzî jî baş bizanin. Ji ber vê yekê, ew kesên ku dixwazin di beşa Kurdî de kar bikin divê pir baş înglîzî jî bizanin.

Heta niha nayê zanîn ka beşa Kurdî ya Google Translate dê kengî were aktîvkirin.

Heke ew kesên ku Google dixwaze, neyên dîtin wê çaxê Google dê li benda materyalên saziyên fermî yên navdewletî be. Ji bona wê jî divê Kurdî li wan welatên ku kurd lê dijîn, bibe zimanê fermî û di qada navdewletî jî were bikaranîn.

Lê heke başûra Kurdistanê serxwebûna xwe rabgehîne, wê demê Google dê rasterast beşa Kurdî ya Google Translate aktîv bike.

 


Please follow and like us:

Ji bo hevalên xwejî nivîsê parve bike